Get all 15 Sobhan Ganji releases available on Bandcamp and save 20%.
Includes unlimited streaming via the free Bandcamp app, plus high-quality downloads of Plastic Man Manifesto, Mikhamet, Miravam, Haiku, Yek Teke Abr, Pirooz, Foe That One S.G, Between Panda's Legs, and 7 more.
1. |
Menmene
02:34
|
|||
دل مو باز چشه تو تک و دو افتاده
چه میگو کر گوش چیشوم که وو خو افتاده
نمینوم ری وو کجا داره که رو افتاده
دس ذهنوم تو دسش خوش وو جلو افتاده
یاد ایام جهالی سر حالش کرده
یاد عشق قمرو دوکشه جهالش کرده
دردل فکر مونه برده زلالش کرده
فارغ از منمنهی مال و منالش کرده
قمرو یادته روز پس بیشه چم رو
وا که نومزاد مو بیدی هنیام ترس کرو
سرمونه میدزیدیم و میرفتیم دو کلو
یه پسینی خوم و خوت یادته رفتیم سر تو
سیل مو تا تونه میدی خوش و خوش مس میکه
بیاجازهت تو سر و زلفل تو دس میکه
ایقه دس میکه که کم کم پویلش لس میکه
ساقی سیل تو دایم وو مو بس بس میکه
دوش تا دم دم صو پنج دلوم میزه غمش
هر چی رهشه میزدوم باز هلوم میمه غمش
دهنهی اسو خیاله وو دسوم میسه غمش
غم سی ساله یه جا بار دلوم میکه غمش
نرسیدیم ور یار و مجالی نیسه
سر زیریم و امید سر بالی نیسه
|
||||
2. |
Dashtesun
03:25
|
|||
دشتسون فرق سرم تا نوک پام سیت بیقرار آویده بلکم بیشتر
لکه بی اسو خیالم بوت فهمیده چهار آویده بلکم بیشتر
دوکشه امشو وو مو کهنندنه پاک گنجل شیر غم دیرت بیدن
می کراخه گنمینی که پر موریسوار آویده بلکم بیشتر
اور غربت تو دلم ناف زمین هشته و سیلاویه امشو حکمن
ای خشم پاک وو غناهشت دره گروه بیدار آویده بلکم بیشتر
آرمونم سی یه دعفه دیه شو نصف شول بنگ فویز اشنفتن
مث تریاکی پیری که سی نیم بسی خمار آویده بلکم بیشتر
وختی وت ری میکنم خرج دلم میله بونی غصهش خالی کردن
مث خلفه که ول آوو پس چن رو که چدار آویده بلکم بیشتر
مث بهلو ور تشنه که سی او لهکه عزیزی سی مو بلکم بختر
مث خشکی سی غراوی که وو طیفونی دچار آویده بلکم بیشتر
بیشتر بلکم بلکم بیشتر بیشتر بلکم
|
||||
3. |
Espik
04:25
|
|||
اسپیک خوندیم ای سفر پوی حکم دل بیدن بسه
تا یادمه دس دادمه ای دل د پیسیدن بسه
از بس که پر وم دادنه دیوار تکهم دادنه
نهی نشسنم ورسادنه امشو د ورسیدن بسه
دل خوندم و دس خاج بی استاد مو لیلاج بی
یا بلکرم حلاج بی اما د لوییدن بسه
تک بافه بافه تو دسه بازم دولو وم خندسه
اقوال مو واپیچسه ری خال خوسیدن بسه
ری دس رفیقل خوندمه تو رفع بامش موندمه
پوی خوم جناغ اشکندمه ری دوس نازیدن بسه
میرن حریفل تو ورق شی کوت میریزم عرق
میوینم و میگم درک پاشو جر آویدن بسه
میگن رفیقل وم همه گشنیز و خشتم لازمه
بی دل نمییازی درس ری دل دروشیدن بسه
هی پیچ وا پیچش نکو دسا دله هیچش نکو
خواننده ی گیچش نکو در جا بگو بیدن بسه
میخوا کمالی ام ولا واوو مث خلق خدا
گفتم ترا محض خدا ورسا که خو دیدن بسه
|
||||
4. |
Ghamaroo
02:21
|
|||
قمرو ای قمرو میش کرم کل یدلا
قمرو ای قمرو سیرق بی شرم و حیا
می چته گرگلکی صو بده تا وت برسم
می نه پات گَپ میزنم سی کو بینم پوی تونوما
شاخ مار اشکسه انگاری تو کار من و تو
آخو یک ساله بوات میکنه امروز و صوا
خوت و دیت بونه بگی تا کرو راضی کنه
وو رکهش دس بکشه بهز مو گیرش نمیا
وقتی سیلم میکنی تش میزنی جیگرمه
ای نمیخواسی مونه سی چه نگفتی بن جا
یه پسینی خوم و خوت یادته رفتیم سر تو
هر چی لوت میگزیدم تو میگفتی دوولا
سر نی عشق تو گوی چال ولات آویدمه
ايسو بعد او گپل قول و قرارل همي زا
تو خشم پهنه كه افتاديه دیندی صفرو
خاك عالم تو سرت بهز مونه ای تر گا؟
مو میخواسم ای سفر وختی رسيدم وو گتر
شو و رو جون بکنم مر بكنم پيل و پلا
تو چه كردی جمزش محض دو تا دنگ زمين
جون مرگ آویده كردی مونه رسوا و توا
همو بختر كه زن حاج صفر آوی بی وفا
قمرو ای بی صفت دس مريزا دس مریزا
|
Sobhan Ganji Tehran, Iran
Poet, writer and songwriter born in 1986 in Tehran.
Although he had been recording sporadically since 2002, he
took his musical activity more seriously early 2022. Here some of his auditory works
The Past
22 Caliber Colt
Your Blue Jacket
Empty Bench
Calligraphic Drafts
A Few Covers For New Lovers
Menmene
... more
Streaming and Download help
If you like Sobhan Ganji, you may also like:
Bandcamp Daily your guide to the world of Bandcamp